Hakeem Olajuwon

(wey dem bon as Akeem Abdul Olajuwon for 21 January 1963 for Lagos, Naija) na pesin wey dey play basketbol for wok bifor. E play di best pat of im game for one tim wey dem dey kol Houston Rockets for America. dey kol am “Hakeem di Dream” bikos of hau smut and jentul e dey play, and hau e dey bihev for laif.

Wetin e tok

I no fit si am anoda way. Ol di gud lesin wey I len from haus wen I smol, dey mai bodi til today. Nau as I dey luk hau tins bi hie, and I luk mai own laif—no bi onli as basketbol pleya bot as human bin—I kompie hau pipul hie dey bihev and hau awa own pipul for Africa dey du, I dey tank God say I kom from Africa.
- Slam dunk - interview with basketball player Hakeem Olajuwon - Interview, Feb, 1994 by Spike Lee.

I sabi respet meni pleyas for dis basketbol wok. Bot for mi, basketbol na jos smol pat of mai laif. I dey play am bikos e swit. Bot e stil na jos game.
- Slam dunk - interview with basketball player Hakeem Olajuwon - Interview, Feb, 1994 by Spike Lee.

My laif dey simpul wel wel. I laik mek tins no tu plenti. I laik get mai taim to maisef, so I fit yuz plenti of am for Islam. Na Islam bi di strong graund wey dey hold mai laif wel. I wan mek pipul no abaut Islam, no say e fit be way of laif. I wan mek dem ondastand say Islam get plenti gud-gud tin and say e dey biutiful. Islam na for evribodi. For mi, dis one na di most impotant. From dis one, evri oda tin go balans.
- Slam dunk - interview with basketball player Hakeem Olajuwon - Interview, Feb, 1994 by Spike Lee.

Di pipul wey dey kontril di basketbol wok (NBA) no sabi enitin abaut Islam. I fil say na wai som pipul no laik mi—bikos I bi Muslim. E dey laik say som pipul no laik yu bikos of yor skin kolo. Dem no dey luk yu pas ol dat one. Bot na di kaind pesin wey yu bi go rili mata last-last.
- Slam dunk - interview with basketball player Hakeem Olajuwon - Interview, Feb, 1994 by Spike Lee.